Физиотерепевтите ви помагаат да ги надминете бариерите за физичка активност

Според фактите и статистиката на Одделот за здравство и човечки услуги за физичка активност, повеќе од 80% од возрасните Американци немаат доволно физичка активност и покрај докажаните придобивки, како што се намален ризик од некои видови рак и хронични болести, како и подобрено здравје на коските, когнитивна функција, контрола на тежината и квалитет на живот.

Како резултат на тоа, половина од возрасните – 117 милиони луѓе – имаат една или повеќе хронични болести. Добрата вест е дека редовната физичка активност може да помогне во спречувањето и подобрувањето на многу хронични состојби.

Бариерите за движење и физичка активност можат да бидат мали или големи, реални или перцепирани. Без оглед на бариерите што ве спречуваат да уживате во многуте важни здравствени придобивки од физичката активност, физиотерапевтите ќе соработуваат со вас за да создадат безбедна и ефикасна програма за да ве поттикнат да се движите.

Физиотерапевтите креираат планови за физичка активност за луѓе од сите возрасти и способности специфични за вашите потреби, предизвици и цели. Физиотерапевтите работат заедно и соработуваат со другите членови на вашиот тим за здравствена заштита за да го максимизираат вашето движење и да ве поттикнат да бидете активен учесник во вашата нега.

11 бариери за физичка активност и како да ги надминете

1. Доцна е за почеток, премногу сум стар или долго време сум физички неактивен…
Никогаш не е доцна да се движите. Според една неодамнешна студија на JAMA Network Open, физичката активност на која било возраст има многу придобивки. Покрај зголемениот животен век, препорачаната физичка активност за вашата возраст и способност, при извршување на вашата дневна рутина може да ви помогне да се справите со стресот, да ја подобрите меморијата и функцијата на мозокот, да избегнете хронични болести и многу повеќе.

2. Ме боли кога …
Движењето е од клучно значење за здравјето, квалитетот на животот и независноста на една личност. За некои луѓе, болката го прави движењето предизвик. Болката е една од најчестите причини поради кои луѓето бараат здравствена помош. Физиотерапевтот може да ви помогне да се движите подобро и безбедно да се справите со болката.

3. Немам време…
Било каква физичка активност е подобра од ништо. Обидете се да организирате неколку кратки интервали на физичка активност неколку пати на ден во времетраење од 30 минути. Проверете дали активноста го зголемува пулсот.

Родителите треба да ја направат физичката активност дел од секојдневната рутина на нивното семејство за да воспостават доживотна посветеност на здравјето на нивните деца. Играјте забавни игри на отворено со вашите деца (играњето е и за возрасни!).

Ако сте старател, одржувањето на вашето здравје е од витално значење за да бидете тука за оние што ги сакате. Определете најпогодно време за да внесете мала доза на физичка активност во вашата дневна рутина. Ако е можно, вклучете го движењето како дел од грижата што ја давате на вашите најблиски. И тие треба да се движат, и сите ќе имате корист.

4. Немам пристап до теретана или опрема…
Не ви треба членство во теретана или фенси опрема за да уживате во придобивките од физичката активност. Можете да добиете многу во и околу вашиот дом. Танцување, џогирање, одење, качување по скали и градинарство се примери за физичка активност што можете да ја правите без никаква опрема. За да ја подобрите вашата рамнотежа, флексибилност и сила, обидете се да правите вежби со телесна тежина најмалку два дена во неделата. Користете предмети за домаќинството, на пример, лименки, шише со вода или песок, за зајакнување на мускулите.

5. Не сакам да вежбам…
Натпреварувачките спортови и часовите по фитнес не се за секого. Физичката активност не мора да вклучува работи што не сакате да ги правите за да бидете ефективни. Откријте ги видовите на активности во кои уживате и направете ги дел од вашата секојдневна рутина за физичка активност.

6. Не можам да се мотивирам, тоа е преголема пречка или не знам од каде да почнам.
Физичката активност ослободува ендорфин, а чувството на благосостојба што го добивате после добар тренинг ќе стане ваша награда. Како мотивација што ќе ви помогне да започнете со вежбање, понудете си мала награда секој пат кога сте физички активни додека тоа не ви стане навика. Одлучете да не го гледате вашето омилено ТВ шоу освен ако не сте ја исполниле целта за вашата активност. Поделете ги долгорочните цели на мали цели и работете на нивно остварување една по една. Водете дневник за тоа како се чувствувате откако сте биле физички активни и секој пат кога ќе постигнете некоја цел.

Подгответе се за успех со овие совети:
• Адаптирајте се за полесно прилагодување (обувки за одење, рачни тегови или ленти за отпор на дофат на вашето биро или каде поминувате најмногу време).
• Закажете време за дневна пауза наменето за физичка активност и поставете календарски потсетник.
• Секојдневно следете ги вашите постигнати чекори. Зголемувајте ја целта за броење чекори секоја недела.

7. Имам хронична болест, состојба или инвалидитет…
Движењето е од суштинско значење за секого. Без разлика дали користите инвалидска количка или друг помошен уред за да се движите или имате проблеми со мобилноста поради хронична состојба или претходна повреда, постојат активности што можете да ги направите за да ги вежбате вашите мускули и бели дробови и да го подобрите вашето здравје и квалитетот на живот. Физичката активност може да подобри некои хронични состојби и да спречи појава на други.

8. Се плашам да не се повредам себеси…
Вистинската физичка активност за вас зависи од вашата возраст, способноста и целите кои што сакате да ги постигнете. Физиотерапевтот може да ви помогне да идентификувате безбеден и ефикасен план за физичка активност за вашата возраст и способност што ги решава вашите стравови и ќе ви помагне да ги постигнете вашите цели.

9. Се чувствувам без здив кога се движам/шетам/вежбам дури и при мала активност…
Нормално е да се чувствувате малку “ветровито” кога правите физички активности во кои се напрегате повеќе од вообичаено. Тоа е знак дека сте го зголемиле пулсот.
Ако од која било причина се грижите дека физичката активност може да биде небезбедна, контактирајте со физиотерапевт пред да започнете. По евалуацијата, физиотерапевтот може да работи со вас за да го пронајде вистинското времетраење и тип на физичка активност за да ја подобри вашата издржливост и целокупното здравје.

10. Цело време сум уморен… Немам енергија за вежбање…
Истражувањата покажуваат дека вежбањето го зголемува нивото на енергија. Физичката активност помага да се доставуваат хранливи материи и кислород до нашите ткива и васкуларен систем, за другите функции на телото да работат поефикасно. Физичката активност исто така ја подобрува функцијата на мозокот и менталното здравје, ја намалува анксиозноста, промовира подобар сон и помага во управувањето со тежината. Сите овие работи ја зголемуваат нашата енергија и доведуваат до чувство на благосостојба.

11. Постојано вежбам, но не можам да ја постигнам целта…
Пронаоѓањето на вистинскиот план за вас е од суштинско значење за вашиот успех. Ако имате проблем да ги исполните целите на силата и кондиционирањето, и покрај вашите најдобри напори, физиотерапевтот може да работи со вас за да ги идентификува сите проблеми и да дизајнира програма за максимизирање на вашето движење и подобрување на перформансите.

Да ја победиме болката без лекови!

Центарот за физикална терапија „Валео“ се наоѓа на улицата „АСНОМ“, во населбата „Бејбунар“. Телефонот е 071/506-818. Повеќе детали за тековните акции, понудата и промоциите на нашата официјална страна на Facebook.

Ваш „Валео“