Имате болка во стапалото или скочниот зглоб?
Физикалната терапија може да обезбеди долготрајно олеснување на болката
Дали некогаш сте размислиле колку долго стоите во текот на денот? Ако страдате од болки во нозете или скочниот зглоб можебитогаш сфаќате колку ги заморувате. Болката во стапалото или скочниот зглоб може многу да влијае на квалитетот на вашиот живот и во способноста да функционирате независно во текот на денот. Луѓето кои имаат болки најчесто избегнуваат активности кои предизвикуваат дополнителен притисок и стрес на стапалата, за да не ја зголемат болката. Постојат различни причини за појава на болка во стапалото или скочниот зглоб.
Докажано е дека физикалната терапија помага во намалување на болката и нуди разни методи на рехабилитација за повредите.
Вообичаени состојби кои предизвикуваат болка во стапалото и скочниот зглоб
Болката во стапалото и скочниот зглоб може да се појави при акутна повреда, како што е пад, но исто така може да се појави со текот на времето и годините. Постојат неколку вообичаени причини за болки во стапалата и скочниот зглоб, вклучувајќи ги:
Артритис
Артритисот е често воспалителна состојба која ги зафаќа зглобовите. Тоа резултира со умерена до многу јака болка. Најчести типови се ревматоидниот артритис и остеоартритисот кои може многу да влијаат на скочниот зглоб.
Плантар фасцитис
Плантар фасцитис е уште една воспалителна состојба која предизвикува болка на долниот дел од стапалото. Се појавува од иритирано прекувремено стоење, лошо држење на телото, нови обувки или обувки на кои им недоставува соодветна поддршка на лакот.
Тендинитис
Тендинитис(воспаление на тетивите) се појавува од префорсирање на тетивите, при што предизвикува болка која трае долго време.
Фрактури
Фрактурата се јавува при прекумерна сила или тапа траума на коската, при што таа напукнува или може да се скрши целосно. Фрактурата мора да се мобилизира за да се обезбеди правилно заздравување.
Истегнување и исчашување
Истегнување настанува најчесто при пад каде што лигаментот се истегнува или целосно се кини. Исчашување настанува кога мускулот или тетивата се истегнуваат.
Бурзитис
Бурзитисот се јавува кога тетивите се тријат со бурсата, при што тие се иритираат. Со тоа се појавува болка и воспаление.
Рамно стапало
Стапалото има неколку тетиви кои фунционираат заедно за да го формираат лакот. Кога тетивите правилно ќе се повлечат, на стапалото се формира лак. Меѓутоа, кога тетивите не се повлекуваат правилно на стапалото ќе се формила мал лак или воопшто нема да се формира. Ова се нарекува рамно стапало и може да предизвика болка и непријатност.
Тарзал тунел синдром
Синдромот на тарзал тунелсе јавува кога тунелот низ кој поминува нервот од малеолусот до стапалото се стеснува и се воспалува.
Други причини за болка во стапалото и скочниот зглоб
Скочниот зглоб и стапалото се многу сложени структури кои мора заедно да работат за правилно да функционираат. Скочниот зглоб се состои од три коски кои се поврзани една со друга за правилно да функционираат, составени се од различни сврзни ткива кои го прават зглобот.
Стапалото е уште покомплексно, содржи приближно 24 коски, 30 зглобови и над 100 мускули, тетиви и лигаменти. Вообичаено е некогаш да почуствувате болка поради сите структури кои го сочинуваат вашите стапала и скочните зглобови. Повредата на стапалото или скочниот зглоб може да резултира со многу јаки болки, при што најверојатно ќе пробате да ја штедите ногата при одење. За да го намалите теретот на болната нога тогаш поголемиот дел од тежната на телото ја пренесувате на здравата нога, при што ризикувате повреда и на другата нога, неможност да одите некаде или да функционирате самостојно. Дури и при блага болка може да се предизвика физички ограничувања во вашето секојдневие и да ве спречи да се грижите за себе.
Физикалната терапија може да помогне во справување со болката
Без разлика со какви болки се соочувате, дали се работи за акутна или хронична состојба, физикалната терапија е вистинско решение за ублажување на болката.
Со оглед на тоа што болката кај секој е различна се креира индивидуален план за третирање на болката. Вашиот план може да вклучува комбинација на физикална терапија, мануелна терапијаи вежби, за подобрување на рамнотежата и одењето, враќање на подвижноста на зглобовите и зајакнување на мускулите на стапалото и скочниот зглоб.
Нашите терапевти се 100% посветени на вашето закрепнување и ќе направат се што можат за да ја намалат болката. Исто така, може да препорачаме и промени во животниот стил или обувки кои ќе ви помогнат болката да не се појави повторно.
